12 July 2018

નવસારીમાં 2000 એકર જમીનમાં બનશે સુરત કરતાં પણ મોટું એરપોર્ટ


મેલવિન થોમસ, સુરત(TNN): આગામી વર્ષોમાં નવસારી શહેરને અદ્યતન ઈન્ટરનેશનલ એરપોર્ટ મળશે. નવસારી જિલ્લામાં નવું એરપોર્ટ બનાવવા માટે રાજ્ય સરકાર અને એરપોર્ટ ઑથોરિટી ઑફ ઈન્ડિયા (AAI)એ જમીનની શોધખોળ હાથ ધરી છે. RTI એક્ટ મંગાવવામાં આવેલી માહિતીમાં અંતર્ગત આ અંગે ખુલાસો થયો હતો. સુરત એરપોર્ટથી 40 કિમીના અંતરમાં નવું એરપોર્ટ બનાવવા માટે ત્રણ સાઈટ પસંદ કરવામાં આવશે.

2000 એકરમાં બનશે એરપોર્ટ

એક વખત સાઇટ નક્કી થઈ ગયા બાદ અંતિમ જગ્યાની પસંદગી કરવા માટે એરપોર્ટ ઑથોરિટી ઑફ ઈન્ડિયાને કહેશે. સરકાર હાલ સુરત એરપોર્ટથી 40 કિમીના અંતરે 2000 એકર જમીનની શોધખોળ કરી રહી છે. જણાવી દઈએ કે જલાલપોર સુરત એપોર્ટથી 40કિમીના અંતરમાં આવે છે અને અહીં એરપોર્ટ બનાવવા માટે રાજ્ય સરકાર પાસે જમીન પણ છે. આ સાઇટ સુરતથી 35 કિમીના અંતરે આવેલી છે અને મિંઢોલા નદી પર બ્રિજ બનાવીને હજુ 15-20 કિમીનું અંતર ઘટાડી શકાય તેમ છે.

રાજ્ય સરકારના પ્રોજેક્ટ
રાજ્ય સરકારે કેટલાય મહત્વના પ્રોજેક્ટ હાથ ધર્યા છે પણ એરપોર્ટ ઑથોરિટીના ધારાધોરણોને પગલે ક્યાંકને ક્યાંક આ પ્રોજેક્ટ અટકી પડ્યા છે. જિલ્લા કલેક્ટરનો પ્રોજેક્ટ સુરત ડાયમંડ બૂર્સની ઉંચાઈ 73 મીટર રાખવાની ભલામણ કરવામાં આવી હતી, જો કે એરપોર્ટ ઑથોરિટીના ધારાધોરણ અંતર્ગત 54 મીટરની ઉંચાઈવાળો પ્લાન્ટ બનાવી શકાય છે, સુરત રેલવે સ્ટેશને 200 મીટર ઉંચાઈવાળું મલ્ટિ મોડેલ ટ્રાન્સપોર્ટેશન હબ બનાવવાની પ્રપોઝલ મૂકવામાં આવી હતી પણ AAI મુજબ 100 મીટરની ઉંચાઈ રાખી શકાય તેમ છે.

સુરત એરપોર્ટનું વિસ્તરણ શક્ય નથી
એટલું જ નહીં સુરત મ્યુનિસિપલ કોર્પોરેશનની બિલ્ડિંગની હાઈટ પણ 180 મીટ કરવાનો પ્લાન હતો પણ એરપોર્ટ ઑથોરિટી ઑફ ઈન્ડિયા મુજબ આ 100 મીટર જ ઉંચું બનાવી શકાય છે. જણાવી દઈએ કે નવસારી એરપોર્ટ સુરત અને નવસારી એમ બંને શહેર સર્વ કરશે. જણાવી દઈએ કે સરકારી જમીન ઉપલબ્ધ ન હોવાથી સુરત એરપોર્ટનું વિસ્તરણ શક્ય નથી. સુરતમાં એરપોર્ટની આજુબાજુની મોટાભાગની જમીન ખાનગી માલિકીની હોવાથી તે મેળવવામાં લાંબી રાહ જોવી પડી શકે તેમ છે. ત્યારે નવસારીમાં ઈન્ટરનેશનલ એરપોર્ટ બનાવવાનું નક્કી કરવામાં આવ્યું છે.