9 July 2019

નવસારી પાલિકામાં બોગસ સર્ટિફિકેટ રજૂ કરનારા આર્કિટેક્ટો પણ ભેરવાશે


નવસારી પાલિકા હદ વિસ્તારમાં બાંધવામાં આવેલા આશરે ૩૯ બિલ્ડીંગોને વિવાદાસ્પદ રીતે આકારણી ઇશ્યુ કરવાના પ્રકરણમાં નવસારીના આર્કિટેક્ટોના સર્ટીફીકેટના આધારે તત્કાલીન ચીફ ઓફિસરે આકારણી ઇશ્યુ કરી હોવાનું પાલીકાના સુત્રો જણાવી રહયા છે ત્યારે એ.સી.બી. વિભાગે હાથ ધરેલી તપાસમાં બોગસ સર્ટી. રજુ કરનારા આર્કિટેક્ટો પણ ભેરવાશે એમ લાગી રહયું છે.

નવસારીની ૩૯ બિલ્ડીંગોની આકારણી ઘણા સમયથી કાયદાની ગૂંચમાં ગૂંચવાય હતી. બિલ્ડરો પણ કંટાળ્યા હતા. કારણકે તેમના કરોડો રૂપિયા જે તે બાંધકામ પ્રોજેક્ટમાં ફસાયા હતા. એટલે બિલ્ડરોએ રૂપિયાનો કોથળો ખુલ્લો મુકી દીધો હતો. ગમે તેમ કરી તેમના બિલ્ડીંગોની આકારણી ઇશ્યુ કરી આપવા પાલીકાના અધિકારીઓ અને ચેરમેનો થઇ લઇ મોટાગજના રાજકીય આકાઓ સુધી લાઇન કરી હતી.

બિલ્ડરોની હાલત જાઇને નવસારી પાલીકાના તે સમયના ચીફ ઓફિસર રમેશ જાષીની સાથે વેરા અધિકારી શૈલેષ નાયક અને પાલીકાના ટાઉન પ્લાનીંગ કમિટિના ચેરમેને મોટો ખેલ ખેલી નાંખ્યો હોવાની ચર્ચા ભારે ચાલી હતી. ચીફ ઓફિસર રમેશ જોષીના કાર્યકાળ દરમિયાન શહેરમાં આશરે ૩૯ બિલ્ડીંગોને વિવાદાસ્પદ રીતે આકારણી ઇશ્યું કરી કરોડો રૂપિયાનું ઉઘરાણું કરવામાં આવ્યુ હોવાના આક્ષેપો થયા હતા. આ ઉઘરાણામાં જે તે બિલ્ડીંગના બિલ્ડરો પાસેથી ફ્લેટ દીઠ પાંચ આંકડાની રકમ નક્કી કરી આખો ખેલ પાર પડાયો હોવાનું પણ સંભળાયું હતું.

ચીફ ઓફિસર રમેશ જાષીએ આશરે ૩૯ બિલ્ડીંગોની વિવાદાસ્પદ રીતે આકારણી ઇશ્યુ કરી આર્થિક હિત સંતોષી પાલીકાની તિજારીને નુકશાન કરવા બાબતે અને ભ્રષ્ટાચાર આંચરવા અંગે એ.સી.બી.ને થયેલી ફરિયાદ બાદ નવસારી એસીબીની ટીમે આ સમગ્ર પ્રકરણમાં તપાસ હાથ ધરી છે. જે તપાસ હાલ ચાલું છે. ત્યારે આ આકારણી પ્રકરણમાં આર્કિટેક્ટોએ બોગસ સર્ટીફિકેટો પાલીકામાં રજુ કર્યા હોવાનું સુત્રોમાંથી જાણવા મળ્યું છે. અને આ સર્ટી.ના આધારે ચીફ ઓફિસર રમેશ જાષીએ ૩૯ બિલ્ડીંગોની આકારણી ઇશ્યુ કરી હતી. જા આ હકીકત સાચી ઠરે તો, નવસારી એ.સી.બીની તપાસમાં આર્કિટેક્ટો પણ ભેરવાશે એમ લાગે છે.