5 July 2019

નવસારીમાં જગન્નાથજીની રથયાત્રામાં શ્રદ્ધાળુઓ જોડાયા


નવસારીનાં સત્તાપીર પાસે આવેલા રણછોડરાયજીનાં મંદિરથી ગુરૂવારે સાંજે ભગવાન જગન્નાથજીની રથયાત્રા નિકળી હતી. જે રથયાત્રા સત્તાપીરથી નીકળી ટાવર, કંસારવાડ, લાયબ્રેરી રોડ, નવસારી નગરપાલિકા થઇ સત્તાપીર રણછોડરાયજીના મંદિરે પહોચી હતી.

આ રથયાત્રામાં નવસારી નગરપાલિકાના પ્રમુખ કાંતુભાઇ પટેલ, ભાજપ અગ્રણી રમેશભાઇ હિરાણી સહિત અન્ય શ્રધ્ધાળુઓએ ભગવાન રણછોડરાયજીનો રથ ખેચ્યો હતો. સાથે જ નવસારી શહેર રણછોડરાયના નાદથી ભક્તિમય બન્યુ હતુ. આ રથયાત્રાના અનેક શ્રધ્ધાળુઓ દર્શન કરી પાવન થયા હતા.

દિવસભર વાદળછાયા વાતાવરણ વચ્ચે ઝરમર વરસાદ પડતાં મેઘાએ ભગવાન જગન્નાથજી પર જાણે અભિષેક કર્યો હોય એવું ફલિત થઇ રહયું હતું.





Photo credit: Rajesh Rana (Satya Prahari News)